रविवारी सकाळी आंतरराष्ट्रीय सीमेवरून भारतात घुसण्याच्या प्रयत्नात असणाऱ्या तीन पाकिस्तानी दहशतवाद्यांना कंठस्नान घालतेवेळी एक गोळी दुर्दैवाने भारताच्या जम्मू काश्मीर लाईट इन्फंट्रीचे जवान, ३६ वर्षीय लान्स नाईक रणजीत सिंग यांच्या डोळ्याच्या वर घुसते.....
ूरवीर लान्स नाईक रणजितसिंग देशाच्या संरक्षणाच्या स्वतःच्या कर्तव्यात पूर्ण सन्मानाने परमोच्च बलिदान देत हुतात्मा होतात.
सोमवारी रात्री तिरंग्या झेंड्यात गुंडाळलेले त्यांचे पार्थिव जम्मू काश्मीर इथल्याच रामबाण जिल्ह्यातल्या सुलीगाम या त्यांच्या जन्मगावी लष्करी इतमामात पोचते.
याच वेळी त्यांची पत्नी प्रसूत होते आणि त्यांना कन्यारत्न प्राप्त होते. इवल्याश्या बाळाला छातीशी कवटाळून ती धीरोदात्त वीरपत्नी देशासाठी सर्वोच्च बलिदान दिलेल्या आपल्या नवऱ्याचे अंतिम दर्शन घ्यायला नदीकाठावर पोचते.
अश्रूंच्या सागरात पतीचे अंतिम दर्शन घेते...चटकन स्वतःला सावरते....नुकत्याच जन्मलेल्या आपल्या कन्यारत्नाला चितेवर मांडून ठेवलेल्या आपल्या पतीच्या पायावर ठेवते....
......आणि जमलेल्या हजारोंच्या जमावाच्या साक्षीने 'भारत माता की जय' च्या आसमंतात घुमणाऱ्या जयजयकारात ताठ मानेने आणि आत्मविश्वासाने उद्गारते, " आपल्या पोरीला मी शिकवून मोठे करणार...आणि तुमच्या सारखे शोर्य गाजवायला सैन्यात अधिकारी म्हणून भरती करणार...हा या क्षणी माझा तुम्हांला शब्द.".....
काय असतात आपले सैनिक आणि काय थोर असतात त्यांचे कुटुंबीय...
नतमस्तक अक्षरशः 😔🙏🏼🙏🏼🙏🏼🙏🏼🙏🏼🙏🏼🙏🏼🙏🏼🙏🏼🙏🏼
भारत माता की जय....
Comments
Post a Comment